ఇండో-పాక్ సిరీస్ కష్టమే

ఓ చిన్న సిరీస్ ద్వారా భారత్, పాకిస్తాన్‌ల మధ్య ద్వైపాక్షిక సిరీస్ పునరుద్దరించాలన్న ఆశలు అడుగంటిపోతున్నాయని పీసీబీ చీఫ్ షహర్యార్ ఖాన్ అన్నారు. ఇక సిరీస్ నిర్వహించేందుకు సమయం కూడా సరిపోదని స్పష్టం చేశారు. ‘ఓ సమావేశం కోసం ఇస్లామాబాద్ వచ్చిన భారత విదేశాంగ మంత్రి సుష్మా స్వరాజ్ కూడా సిరీస్ పునరుద్ధరణకు సాయం చేయలేకపోయారు.
                        అలాగే లంకలో చిన్న సిరీస్ నిర్వహించాలన్న ప్రతిపాదన కూడా కార్యరూపం దాల్చదని సంకేతాలిచ్చారు. సుష్మా రాకతో పరిస్థితిలో కొంతైనా మార్పు వస్తుందని భావించాం. కానీ అది సాధ్యపడలేదు. మేం భారత్‌తో ఆడాలనుకుంటున్నాం. కానీ వాళ్లు సానుకూలంగా స్పందించడం లేదు’ అని షహర్యార్ వ్యాఖ్యానించారు. సిరీస్ రద్దయితే న్యాయ సలహా కోరతామన్నారు. మరోవైపు సిరీస్ గురించి విదేశాంగ శాఖ సమాచారం కోసం వేచి చూస్తున్నామని బీసీసీఐ కార్యదర్శి అనురాగ్ ఠాకూర్ ఢిల్లీలో వెల్లడించారు.

ఉస్మానియా యూనివర్సిటీలో బీఫ్‌ ఫెస్టివల్‌ ' రగడ'

                          ఉస్మానియా యూనివర్సిటీ ఆవరణలో బీఫ్‌ ఫెస్టివల్‌ నిర్వవహించరాదని హైకోర్టు ఉత్తర్వులు జారీచేసింది. ఈ మేరకు సిటీ సివిల్‌ కోర్టు ఇచ్చిన ఆదేశాలను పాటించాలని స్పష్టం చేసింది. శాంతిభద్రతల పరిరక్షణకు పోలీసులకు తగిన చర్యలు తీసుకోవాలని సూచించింది. హైకోర్టు ఆదేశాల నేపథ్యంలోనూ ఉస్మానియాలో బీఫ్‌ ఫెస్టివల్‌ నిర్వహించి తీరుతామని ప్రజాస్వామ్యం సాంస్న్క్రతిక వేదిక విద్యార్థి సంఘం నాయుకులు చెబుతున్నారు. హైకోర్టులో ప్రతివాదిగా పేర్కొన్న వ్యక్తి అసలు ఉస్మానియాలో విద్యార్థియే కాదంటున్నారు. అటువంటప్పుడు హైకోర్టు ఉత్తర్వులు తమకు వర్తించవని అంటున్నారు. ఈ నెల 10న తేదీన బీఫ్‌ ఫెస్టివల్‌ నిర్వాహణకు ఇప్పటికే విద్యార్థి సంఘం నేతలు పెద్ద ఎత్తున ఏర్పాట్లు చేశారు. బీఫ్‌ ఫెస్టివల్‌ నిర్వహించి తీరుతామని విద్యార్థిసంఘం నేతలు పేర్కొవడంతో, ఉస్మానియా యూనివర్సిటీ ఉద్రిక్త వాతావరణం కొనసాగుతోంది. ఇప్పటికే యూఁవర్సిటీలో పెద్ద ఎత్తున పోలీసు బలగాలు మొహరించాయి.
                బీఫ్‌ ఫెస్టివల్‌ నిర్వాహణపై మొదటి నుంచి రగడ జరుగుతూనే ఉంది. బీఫ్‌ ఫెస్టివల్‌ నిర్వహించాలన్న విద్యార్థి సంఘాల నిర్ణయాని , హిందు, ధార్మిక సంఘాల ప్రతినిధులు తీవ్రంగా వ్యతిరేకించాయి. భారతీయ సంస్న్క్రతిలో గోవులకఁ ఎంతో ప్రత్యేక స్థానమున్నది, అటువంటి ఆవులను బహిరంగంగా వధించి తింటామంటే చూస్తూ ఊరుకఁనేది లేదని హిందు, ధార్మిక సంఘాల ప్రతినిధులు హెచ్చరించారు. అంతటితో ఆగకుడా ఈ నెల 10వ తేదీన ఉస్మానియా గో హారతి, గోసంరక్షణ దినోత్సవాని  పాటిస్తామని చెప్పారు.
               పాలు, పెరుగు, వెన్న ఇచ్చే ఆవులను పూజించాలని , వధించాలనుకోవడం అవివేకమవుతుందని చెప్పారు. బీఫ్‌ ఫెస్టివల్‌ నిర్వాహకులు ఇప్పటికైన తమ నిర్ణయాన్ని మార్చుకోవాలని పరిసూచించారు. అయితే అంబేద్కర్‌, నెహ్రూలాంటి గోమాంసాన్ని తిన్నారని, వారికి ఎందుకో బుద్దిమాంద్యత లేదని ప్రొఫెసర్‌ కంచె ఐలయ్య ప్రశ్నించారు. బీఫ్‌ తినడం అన్నది దళిత, బహుజనుల సంస్న్క్రతిలో ఒక బాగమని చెప్పారు. అయితే నిన్న, మొన్నటి వరకు బీఫ్‌ ఫెస్టివల్‌ నిర్వాహణపై విద్యార్థి, హైంధవ సంఘాల మధ్య సాగిన మాటల యుద్దం ఒక ఎత్తయితే, నేడు నేరుగా కోర్టు జోక్యం చేసుకు ఆదేశించిన తరువాత కూడా బీఫ్‌ ఫెస్టివల్‌ నిర్వాహించి తీరుతామని విద్యార్థులు పేర్కొనడంతో ఉస్మానియాలో ఎప్పుడు ఏమి జరుగుతుందో తెలియని పరిస్థితి నెలకొంది.

నిర్మాతగా బిజీ అవుతోన్న హీరోయిన్

 అతి కొద్ది కాలంలో బాలీవుడ్ లో స్టార్ హీరోయిన్ గా ఎదిగిన హాట్ బ్యూటి అనుష్క శర్మ. హీరోయిన్ కెరీర్ మంచి ఫాంలో ఉండగానే నిర్మాణ రంగం మీద దృష్టిపెట్టిన ఈ భామ, వరుసగా మూడు సినిమాలు నిర్మించడానికి ప్లాన్ చేసుకుంటోంది. విమర్శకుల ప్రశంసలు అందుకున్న 'ఎన్ హెచ్ 10' సినిమాతో నిర్మాతగా మారిన అనుష్క, అదే సినిమాలో నటనతో కూడా ఆకట్టుకుంది. అదే ఊపులో ఒకేసారి మూడు సినిమాల నిర్మాణానికి రెడీ అవుతోంది అనుష్క శర్మ. ఈ సినిమాలు, నా కోసం నేను నిర్మించుకుంటున్నా అంటున్న అనుష్క ఇప్పటికే రెండు సినిమాల కథా కథనాలు కూడా రెడీ అయ్యాయని, మరో సినిమాకు సంబందించిన కథా చర్చలు జరుగుతున్నాయని తెలిపింది. ఈ మూడు చిత్రాల్లో, ఎన్ హెచ్ 10 సినిమాకు దర్శకత్వం వహించిన నవదీప్ సింగ్ ఒక సినిమాను డైరెక్ట్ చేస్తుండగా, మిగతా రెండు సినిమాల ద్వారా అన్షయ్ లాల్, అక్షంత్ వర్మలు దర్శకులుగా పరిచయం అవుతున్నారు.

ఐపీఎల్‌లో రెండు కొత్త జట్లు

 ఇండియన్ ప్రీమియర్ లీగ్ (ఐపీఎల్)లోకి రెండు కొత్త జట్లు వచ్చాయి. వచ్చే రెండు సీజన్లలో పుణె, రాజ్ కోట్ ఫ్రాంచైజీలు ఆడుతాయని మంగళవారం బీసీసీఐ ప్రకటించింది. బెట్టింగ్ ఉదంతంలో రెండేళ్ల పాటు నిషేధానికి గురైన చెన్నై సూపర్ కింగ్స్, రాజస్థాన్ రాయల్స్ జట్ల స్థానాల్లో ఈ రెండు జట్లను తీసుకున్నారు.  పుణె టీమ్ ను 16 కోట్ల రూపాయలకు న్యూ రైజింగ్ (సంజీవ్ గొయెంకా) సొంతం చేసుకోగా, రాజ్ కోట్ జట్టును 10 కోట్ల రూపాయలకు ఇంటెక్స్ దక్కించుకుంది.  చెన్నై, రాజస్థాన్ జట్లలోని టాప్-5 ఆటగాళ్లను.. పుణె, రాజ్ కోట్ ఎంపిక చేసుకునే అవకాశముంది. ఈ నెల 15న ఆటగాళ్లను ఎంపిక చేయనున్నారు.

దక్షిణాఫ్రికాపై టీమిండియా 3-0 తేడాతో ఘన విజయం

నాలుగు టెస్టుల సిరీస్ లో భాగంగా ఇక్కడ జరిగిన చివరి మ్యాచ్ లో దక్షిణాఫ్రికాపై టీమిండియా ఘన విజయం సాధించింది. 481 పరుగుల విజయలక్ష్యంతో బ్యాటింగ్ ఆరంభించిన సఫారీలు 143 పరుగులకే చాపచుట్టేశారు. 72/2 ఓవర్ నైట్ స్కోరుతో సోమవారం రెండో ఇన్నింగ్స్ కొనసాగించిన సఫారీలు మరో 71 పరుగుల మాత్రమే చేసి మిగతా ఎనిమిది వికెట్లను కోల్పోయారు.  ఈ రోజు ఆటలో టీ విరామం వరకూ మ్యాచ్ ఫలితంపై పెద్దగా అంచనాలు లేకపోయినా తరువాత పరిస్థితి పూర్తిగా మారిపోయింది. టీమిండియా బౌలర్లు వరుసగా వికెట్లు తీసి సఫారీలకు మరో షాకిచ్చారు. దాంతో టీమిండియా 337 పరుగులతో ఘన విజయం సాధించడమే కాకుండా సిరీస్ ను 3-0 తేడాతో గెలిచింది. టీమిండియా బౌలర్లలో రవి చంద్రన్ అశ్విన్ ఐదు వికెట్లు సాధించగా, ఉమేష్ యాదవ్ కు మూడు, రవీంద్ర జడేజాకు రెండు వికెట్లు తీశారు.
ఈ మ్యాచ్ లో వరుస రెండు సెంచరీలు చేసిన అజింక్యా రహానేకు మ్యాన్ ఆఫ్ ద మ్యాచ్ అవార్డు దక్కగా, మ్యాన్ ఆఫ్ ద సిరీస్ అవార్డు అశ్విన్ కు లభించింది.
                        చివరి టెస్టు.. కనీసం గెలవకపోయినా డ్రా చేయాలని సఫారీలు శతవిధాలా ప్రయత్నించారు. ఫిరోజ్ షా కోట్ల మైదానంలో గోడ కట్టినట్లే ఆటను కొనసాగించారు. అటు హషీమ్ ఆమ్లా దగ్గర్నుంచి.. ఇటు ఏబీ డివిలియర్స్ వరకూ ఎంతో శ్రమించారు. టీమిండియా బౌలర్లను సమర్ధవంతగా ఎదుర్కొంటూ అత్యంత రక్షణాత్మక పద్ధతిని అవలంభించారు. ఆమ్లా 244 బంతుల్లో 25 పరుగులు, డివిలియర్స్ 297 బంతుల్లో 43 పరుగులు చేసి దక్షిణాఫ్రికాను గట్టెక్కించే యత్నం చేశారు. కాగా, చివరకు ఓటమి నుంచి మాత్రం తప్పించుకోలేకపోయారు.

 


                                            లంచ్ తరువాత అసలు కథ..               నాల్గో టెస్టు ఆఖరి రోజు ఆటలో భాగంగా తొలి సెషన్ లో దక్షిణాఫ్రికానే పైచేయి సాధించినట్లు కనబడింది. లంచ్ విరామ సమయానికి సఫారీలు మూడు వికెట్ల నష్టానకి 94 పరుగులు చేసి మెరుగ్గా కనిపించారు. అయితే ఆ తరువాత అసలు కథ ప్రారంభమైంది. లంచ్ సెషన్ అనంతరం దక్షిణాఫ్రికా వరుసగా రెండు వికెట్లను కోల్పోయి ఒక్కసారిగా కష్టాల్లో పడింది. తొలుత డుప్లెసిస్(10)ను నాల్గో వికెట్ గా పెవిలియన్ కు చేరగా, స్వల్ప వ్యవధిలోనే జేపీ డుమినీ(0)  ఐదో వికెట్ గా పెవిలియన్ చేరాడు.

ఐపీఎల్‌ కొత్త జట్లొస్తున్నారు!

ఇండియన్‌ ప్రీమియర్‌ లీగ్‌ (ఐపీఎల్‌)లో వచ్చే రెండేండ్లకు నూతనంగా రెండు జట్లు రానున్నాయి. రెండేండ్ల నిషేధం ఎదుర్కొంటున్న చెన్నై సూపర్‌ కింగ్స్‌, రాజస్థాన్‌ రాయల్స్‌ ప్రాంఛైజీల స్థానంలో 2016, 2017 సీజన్‌లలో ఈ రెండు జట్లు పాల్గొంటాయి. డిసెంబర్‌ 8న సమావేశం కానున్న ఐపీఎల్‌ పాలకమండలి భేటీ అనంతరం రెండు కొత్త జట్లపై ప్రకటన చేయనుంది. బీసీసీఐ అధ్యక్షుడు శశాంక్‌ మనోహర్‌, కార్యదర్శి అనురాగ్‌ ఠాకూర్‌, రాజీవ్‌ శుక్లా సమావేశంలో పాల్గొననున్నారు. చెన్నైకి చెందిన చెట్టనాడ్‌ సంస్థ ఓ జట్టును సొంతం చేసుకోనుందని సమాచారం. సూపర్‌ కింగ్స్‌ ఇండియా సిమెంట్‌ యాజమాన్యానిది కాగా.. చెట్టినాడ్‌ గ్రూప్‌కు సైతం సిమెంట్‌ వ్యాపారం ఉన్న విషయం తెలిసిందే. గోయంకా బ్రదర్స్‌.. హర్ష్‌, సంజీవ్‌లు సైతం ఐపీఎల్‌ జట్టుపై ఆసక్తిగా ఉన్నారు. మొబైల్స్‌ కంపెనీ వీడియోకాన్‌ కూడా బీసీసీఐ నుంచి ఇన్విటేషన్‌ టూ టెండర్‌ ఫామ్‌ను తీసుకున్నట్టు సమాచారం. మంగళవారం ఐపీఎల్‌ పాలకమండలి భేటీ తర్వాత జరిగే మీడియా సమావేశంలో బోర్డు పెద్దలతో పాటు కొత్తగా చేరిన రెండు జట్ల యజమానులూ పాల్గొననున్నారు.

షాపింగ్‌కి వెళితే అవి కొనకుండా ఉండలేను!

శ్రుతీహాసన్ ఫిజిక్ చాలా బాగుంటుంది. మోడ్రన్ దుస్తుల్లోనూ బాగుంటారు.. సంప్రదాయ దుస్తుల్లోనూ లవ్లీగా ఉంటారు. ఫ్యాషన్ ప్రపంచంలో వస్తున్న మార్పులను ఎప్పటికప్పుడు గమనిస్తూ, అందుకు అనుగుణంగా డ్రెస్సులు సెలక్ట్ చేసుకుంటారామె. ఆ విషయం గురించి శ్రుతీహాసన్ మాట్లాడుతూ - ‘‘నాకు తెలిసి బట్టలు, నగలు ఇష్టపడని అమ్మాయిలు ఉండరు. నగల సంగతెలా ఉన్నా డ్రెస్సులంటే నాకు పిచ్చి. షాపింగ్ మాల్‌లోకి అడుగుపెట్టానంటే బట్టలు కొనకుండా ఉండలేను.           జనరల్‌గా నాకు జీన్స్, టీ-షర్ట్ ఇష్టం. అవే సౌకర్యవంతంగా అనిపిస్తాయి. అయినప్పటికీ వేరే డ్రెస్సులు కూడా కొంటుంటాను. బట్టల పిచ్చి మాత్రమే కాదు.. నాకు పాదరక్షల పిచ్చి కూడా ఉంది. షాపింగ్‌కి వెళ్లినప్పుడు షూస్ కొనకుండా ఉండలేను.                      ఇప్పటివరకూ నా దగ్గర యాభై, అరవై షూస్ ఉన్నాయి. అన్నేం చేసుకుంటావని ఫ్రెండ్స్ అడుగుతుంటారు. నవ్వేసి ఊరుకుంటాను. సీజన్‌కి తగ్గట్టుగా, వేసుకున్న డ్రెస్‌కి మ్యాచింగ్‌గా షూలు వేసుకుంటాను’’ అని చెప్పారు.

అదృష్టం అంటే నాదే..

 జట్టులో చోటు కోల్పోయిన సమయంలో రంజీల్లో ఆడటం తనకు చాలా కలిసి వచ్చిందని టీమ్ ఇండియా ఆల్‌రౌండర్ రవీంద్ర జడేజా అన్నాడు. జట్టులో చోటు కోల్పోయిన అనంతరం సౌరాష్ట్ర తరఫున జడేజా రంజీల్లో అద్భుతంగా రాణించాడు. రంజీల్లో బౌలింగ్ చేసిన మాదిరిగానే సౌతాఫ్రికాతో జరుగుతున్న ఫ్రీడమ్ సిరీస్‌లోనూ చేస్తున్నాను పునరాగమనంలో నా బౌలింగ్ పట్ల పూర్తి సంతృప్తిగా ఉన్నాను. అశ్విన్, అమిత్ కూడా అద్భుతంగా బౌలింగ్ చేయడం నా అదృష్టం. నాపై ఎలాంటి ఒత్తిడి లేకుండా పోయింది. అందుకే వికెట్లు తీస్తున్నాను అని జడేజా ఆనందం వ్యక్తం చేశాడు.