ఏమిటీ లెక్క అని కంగారు పడుతున్నారా? 2016 అయిపోవచ్చింది కదా.. ఈ ఏడాది
అభిమానులు తమ ప్రియమైన నటుల్లో ఎవరికోసం గూగుల్‌లో ఎక్కువగా వెదికారో..
ఆ లెక్క అన్నమాట ఇది. స్టైలిష్‌ స్టార్‌ అనిపించుకున్న టాలీవుడ్‌ కథానాయకుడు
అల్లు అర్జున్‌ ఫేస్‌బుక్‌లో అత్యధిక ఫాలోవర్స్‌ ఉన్న దక్షిణాది చిత్ర పరిశ్రమ
నటుడిగా, ట్విట్టర్‌లో అతి తక్కువ సమయంలో వన్‌ మిలియన్‌ ఫాలోవర్స్‌ను చేరుకున్న
నటుడిగా ఘనత సాధించిన సంగతి తెలిసిందే. ఆయనే ఇప్పుడు మరో క్రెడిట్‌ను
కూడా తన ఖాతాలో వేసుకున్నారు. 2016 గూగుల్‌లో అత్యధికంగా సెర్చ్‌
చేసిన తెలుగు నటుల జాబితాలో అల్లు అర్జున్‌ ప్రథమ స్థానంలో ఉన్నారు.
సూపర్‌స్టార్‌
మహేశ్‌బాబు రెండో స్థానం, రెబల్‌స్టార్‌ ప్రభాస్‌ మూడో స్థానం, యంగ్‌టైగర్‌
ఎన్టీఆర్‌ నాల్గో స్థానం, మెగా పవర్‌స్టార్‌ రామ్‌చరణ్‌ ఐదో స్థానంలో ఉన్నారు.
తమ అభిమాన హీరోలు ఇలా గూగుల్‌ ట్రెండింగ్‌లో ఉండటంతో ఫ్యాన్స్‌ ఆనందం
వ్యక్తం చేస్తున్నారు.
