మూడు రోజుల్లో వందకోట్లు...

 షారుఖ్‌ఖాన్ నటించిన హ్యాపీ న్యూ ఇయర్ చిత్రం బాలీవుడ్‌లో సరికొత్త రికార్డులను సృష్టిస్తోంది. పాత రికార్డులన్నింటినీ చేరిపి వేస్తూ మూడు రోజుల వ్యవధిలో వంద కోట్ల క్లబ్‌లో చేరిన చిత్రంగా చరిత్ర సృష్టించింది. గత వారం ప్రేక్షకుల ముందుకు వచ్చిన ఈ సినిమాకు నెగెటివ్ టాక్ వచ్చినా వసూళ్లపరంగా బాక్సాఫీస్ వద్ద దూసుకుపోతోంది. తొలి రోజు దాదాపు 44 కోట్ల రూపాయల కలెక్షన్లను సాధించి బాలీవుడ్ వర్గాల్ని విస్మయపరిచిన ఈ చిత్రం వారంతానికి 108.86 కోట్ల వసూళ్లకు చేరుకోవడం గమనార్హం. యాక్షన్ ఎంటర్‌టైనర్‌గా రూపొందిన ఈ చిత్రంలో షారుఖ్‌కు జోడీగా దీపికా పదుకొనే కథానాయికగా నటించింది.