'సన్నాఫ్ సత్యమూర్తి' రివ్యూ

                    విరాజ్ ఆనంద్ (అల్లు అర్జున్) సన్ ఆఫ్ సత్యమూర్తి‌గా పరిచయమవుతాడు. సత్యమూర్తి పాత్ర ను ప్రకాష్ రాజ్ పోషించారు. సత్యమూర్తి ఒక పెద్ద బిజినెస్ మాన్. అకస్మాత్తుగా సత్యమూర్తి మరణిస్తాడు. సత్యమూర్తి మరణంతో అతని కుటుంబం 300 కోట్ల అప్పులతో చాలా కష్టాలకు లోనవుతుంది. మెల్లగా అతని కుటుంబ సభ్యులు అందరు కుటుంబానికి దూరంగా వెళ్ళిపోతారు. ఆనంద్‌కి సహాయం చేసే వారు కూడా ఉండరు. చివరకు ఆనంద్ కి కాబోయే భార్య అధ శర్మ కూడా వదిలేసి వెళ్ళిపోతుంది.

             తల్లిని, వదిన, బ్రదర్ ను తీసుకొని చిన్నఇంటికి మారాడు. ఏదో ఓ ఉద్యోగం చేయాలి కాబట్టి శ్రియాస్ మీడియా అనే ఈవెంట్ మేనేజ్ మెంట్ కంపెనీలో చేరి ఓ పెళ్లి చేయడానికి వెళతాడు. ఆ పెళ్లి ఎవరిదో కాదు... తనతో ఎంగేజ్ మెంట్ అయిన తర్వాత కాదని వెళ్లిపోయిన పల్లవి క్యారెక్టర్ చేసిన అదాశర్మది. అక్కడే సుబ్బలక్ష్మి అలియాస్ సమీరా అనే పాత్ర పోషించిన సమంతాతో హీరో విరాజ్ ఆనంద్ అదే మన బన్నీలవ్ లో పడతాడు.
సుబ్బలక్ష్మి తండ్రి సాంబశివరావు (రాజేంద్రప్రసాద్) బన్నీకి ఓ చాలెంజ్ విసురుతాడు. దేవరాజ్ (ఉపేంద్ర) దగ్గర ఉన్న తన 8000 గజాల స్థలం పేపర్స్ తీసుకొస్తే కూతురిని ఇచ్చి పెళ్లి చేస్తా అంటాడు. సరే అని హీరో తమిళనాడు వెళతాడు. దేవరాజ్ ను ఓసారి బన్నీ కాపాడుతాడు. దీంతో స్థలం పేపర్స్ ఇస్తానంటాడు... బట్..తన చెల్లెలు వల్లి (నిత్యామీనన్)ని పెళ్లి చేసుకోమని అడుగుతాడు. వల్లికి పెళ్లి ఇష్టం లేదు. 

                 చివరికి బన్నీ ఏం చేశాడు. ఆ పెళ్లి నుంచి తప్పించుకొని స్థలం పేపర్స్ ఎలా సంపాదించాడు. తండ్రిని తూలనాడిన రాజేంద్రప్రసాద్ కు ఎలా బుద్ది చెప్పాడన్నదే మిగిలిన కథ.

                 ప్లస్ పాయింట్స్: అల్లు అర్జున్ - పాటలు - సమంతా - ఉపేంద్ర - చిన్నట్విస్ట్ - కుటుంబ సెంటిమెంట్
మైనస్ పాయింట్స్: స్టొరీ - సెకండ్ హాఫ్ - ఎడిటింగ్ - కామెడీ లేక పోవడం

 ఫైనల్ గా :
                సత్యమూర్తి లాంటి ఫ్యామిలీ డ్రామాలు చాలా తక్కువగా వస్తుంటాయి. అందునా... అల్లు అర్జున్ లాంటి మాస్ హీరోలు ఇలాంటి కథలు చేయడానికి ఒప్పుకోరు. అలాంటిది విలువలే ఆస్తి అనే ట్యాగ్ లైన్ తో వచ్చిన సత్యమూర్తిని ఓసారి చూడొచ్చు. దర్శకుడు పూర్తి న్యాయం చేయలేకపోయినా... అడ్జస్ట్ అవ్వడం మనకు అలవాటే కాబట్టే ఫ్యామిలీతో కలిసి చూసెయ్యెచ్చు.