నాని కనిపించేంత మంచి వాడు కాదట!

 ఇంద్రగంటి మోహనకృష్ణ దర్శకత్వంలో నాని కథానాయకుడుగా నటిస్తున్న ‘జెంటిల్‌మన్‌’ చిత్రం టీజర్‌ విడుదలైంది. నాని తన ట్విట్టర్‌ ఖాతా ద్వారా ఈ వీడియోను అభిమానులతో పంచుకున్నారు. ‘కనిపించేంత మంచి వాడు మాత్రం కాదు’ అని ట్వీట్‌ చేశారు. టీజర్‌ను బట్టి... నాని చిత్రంలో విలన్‌గా కనిపిస్తారా... లేక హీరోగా కనిపిస్తారా అన్న అంశం ఆసక్తిని రేపుతోంది. ఈ చిత్రంలో సురభి, నివేదా థామస్‌ కథానాయికలుగా నటిస్తున్నారు. శ్రీదేవి మూవీస్‌ పతాకంపై శివలెంక కృష్ణప్రసాద్‌ ఈ చిత్రాన్ని నిర్మిస్తున్నారు. మణిశర్మ చిత్రానికి సంగీతం సమకూరుస్తున్నారు.