రజనీకాంత్తో అనుష్క జోడీ కట్టబోతుందా ? అవుననే అంటున్నాయి తమిళ సినీ వర్గాలు 'సింగం' సినిమాతో తమిళ నాట అభిమానుల్ని సంపాధించుకొంది. అనుష్క కథా నాయికగా అక్కడ ఎన్ని అకకాశాలు వస్తున్నా... అనుష్క మాత్రం ఆచితూచి స్పందిస్తోంది. తమిళనాట మరో మంచి అవకాశం ఇపుడు అనుష్కని వూరిస్తోంది. అదే రజనీకాంత్తో కలసి నటించే అవకాశం ' రోబో' తరువాత రజనీ నటించే మరో చిత్రానికి రంగం సిద్దమవుతోంది. ' రాణా ' అనే పేరుని ఖరారు చేశారు. కె.ఎస్. రవికుమార్ దర్శకత్వం వహిస్తారు. ఈ సినిమాలో ఓ కథానాయికగా దీపికా పదుకొణే ఎంపికైంది. కథలో మరో నాయికకూ స్థానం ఉంది. అది అనుష్కదే అని చెన్నై వర్గాలు చెబుతున్నాయి. అసిన్ కూడా రేసులో ఉందట.
