దాంతో చనిపోయింది శ్వేతా తివారి అనుకుని ప్రముఖులంతా సోషల్‌మీడియాలో ఆమెకు నివాళులు అర్పించడం మొదలుపెట్టారు. మరికొందరైతే శ్వేతా భర్త అభినవ్‌కి ఫోన్లు చేసి సంతాపం తెలిపారు. దాంతో షాకైన అభినవ్‌.. షూటింగ్‌ మధ్యలో ఆపేసి వెంటనే ఇంటికి వెళ్లాడు. ఈ విషయం తెలిసి శ్వేత తెగ నవ్వుకుందని.. ఇలాంటి పుకార్లు సృష్టించద్దు అంటూ అభినవ్‌ మీడియా ద్వారా వేడుకున్నాడు.
అయితే ఇలాంటి వార్తలు తాను పట్టించుకోనని మూడుసార్లు తనని ఇలాగే చంపేశారని శ్వేత తెలిపారు. ఓ రకంగా ఇలాంటి వార్తలకు అలవాటు పడిపోయినట్లు పేర్కొన్నారు. ఇలాంటి పుకార్లు రావడం ఇది తొలిసారి కాదు. ఇంతకుముందు బాలీవుడ్‌ ప్రముఖులు కాదర్‌ ఖాన్‌, ఫరీదా జలాల్‌, దిలీప్‌ కుమార్‌ చనిపోయినట్లు సోషల్‌మీడియాలో తప్పుడు వార్తలు హల్‌చల్‌ చేశాయి.
