ఇతరుల గురించి మాట్లాడడం మర్యాద కాదంటూనే కంగనా ధైర్యాన్ని మెచ్చుకుంది విద్య. ఆమె తనకు తాను మద్దతుగా నిలబడి పోరాడడం తనకు నచ్చిందని, ఈ విషయంలో కంగనాని అభినందిస్తున్నానని విద్య పేర్కొంది. సాధారణంగా మహిళలు కుటుంబంలో వారందరి కోసం పోరాడడం చూస్తాం కానీ ఇలా తమకోసం తాము ధైర్యంగా నిలబడడం అరుదని పేర్కొంది.
విద్య అలా కంగనాకి మద్దతిస్తున్నట్లుగా మాట్లాడటం భర్త సిద్దార్థ్‌కి ఇబ్బందికరంగా మారిందట. ఎందుకంటే హృతిక్‌ నటిస్తున్న కాబిల్‌ చిత్రానికి సిద్దార్థ్‌ నిర్మాతగా వ్యవహరిస్తున్నాడు. అందులోనూ ఓ నిర్మాతగా నటీనటులందరితో కలిసి పనిచేయాల్సి ఉంటుంది. ఇప్పుడు ఈ వివాదంతో హృతిక్‌కి, తనకి మధ్య ఎక్కడ అభిప్రాయభేదాలు వస్తాయోనని సిద్దార్థ్‌ కంగారుపడుతున్నాడని బాలీవుడ్‌ సమాచారం.
No comments:
Post a Comment