Thursday, January 28, 2016

ఫిబ్రవరిలో పెళ్లి పీటలెక్కనున్న మరో క్రికెటర్‌

  భారత క్రికెటర్లు హర్భజన్‌ సింగ్‌, రోహిత్‌ శర్మలు ఇటీవలే ఓ ఇంటివారైన సంగతి తెలిసిందే. ఇప్పుడు వీళ్ల లిస్ట్‌లో క్రికెటర్‌ ఇర్ఫాన్‌ పఠాన్‌ కూడా చేరనున్నాడు. భారత క్రికెటర్లలో ఎలిజిబుల్‌ బ్యాచిలర్స్‌లో ఒకరైన ఇర్ఫాన్‌ ఫిబ్రవరిలో పెళ్లి చేసుకోనున్నట్లు సమాచారం.
ఇప్పటివరకు ఇర్ఫాన్‌ తన వ్యక్తిగత విషయాల గురించి మీడియాతో ప్రస్తావించలేదు. అయితే ఈ మధ్య పెళ్లి గురించి వార్తలు వెలువడుతుండడంతో ఆఖరికి ఇర్ఫాన్‌ నోరు విప్పాడు. ఫిబ్రవరిలో పెళ్లి చేసుకుంటున్న విషయం నిజమేనని మిగతా వివరాలు త్వరలో వెల్లడిస్తానని తెలిపాడు. పెళ్లి వేడుకలు చాలా ఘనంగా జరుగనున్నాయని, వధువుతో పాటు ఇర్ఫాన్‌ చెల్లెలికి కూడా సూరత్‌ నుంచి ఆభరణాలు డిజైన్‌ చేయిస్తున్నట్లు ఇర్ఫాన్‌ సన్నిహితులు తెలిపారు.