100 శాతం ప్రేమగీతాలు

నాగచైతన్య హీరోగా, తమన్నా హీరోయిన్‌గా అల్లు అరవింద్‌ సమర్పణలో బన్నీవాసు నిర్మిస్తున్న చిత్రం '100% లవ్‌'. చిత్ర గీతాలు మార్కెట్లోకి విడుదలయ్యాయి. ఆడియో ఫంక్షన్‌ హైదరాబాద్‌లో జరిగింది. అక్కినేని నాగార్జున ఆడియోను విడుదలచేసి హీరో రామ్‌, నిర్మాత బన్నీవాసుకు అందజేశారు.

ఈ సందర్భంగా నాగార్జున మాట్లాడుతూ...'నాకు చాలా ఆనందంగా ఉంది. ఎందుకంటే బన్నీ మాట్లాడుతుంటే నా అభిమానులు చప్పట్లు కొడుతున్నారు. నా ఫ్యాన్స్‌ ఎలా ఉంటారో చూపించారు. నాగ చైతన్య గీతా ఆర్ట్స్‌లో చేయటం, దానికి సుకుమార్‌ దర్శకుడు అవటం ఆనందంగా ఉంది. పాటలు విన్నాను. బాగున్నాయ
అల్లు అర్జున్‌ మాట్లాడుతూ...'మూడు తరాలుగా ఈ కుటుంబాన్ని ఆదరిస్తున్న అభిమానులకు కృతజ్ఞతలు. గీతా ఆర్ట్స్‌లో సినిమా చేస్తున్నా అందరూ నాకు కావలిసనవాళ్ళే. మా నాన్న, నా దర్శకుడు, నా కథానాయిక, హీరో నా మిత్రుడు. ఈ సినిమాను చూశాను. డెఫనెట్‌గా హిట్టే. నాగచైతన్యను కొత్తగా చూస్తారు. తమన్నా కెరీయర్‌లో బెస్ట్‌ సినిమా అవుతుంది.
తమన్నా మాట్లాడుతూ...'సినిమాలో కొన్ని సీన్స్‌ చేస్తుంటే నా జీవితంలో లవ్‌స్టోరీ కూడా ఇలాగే ఉంటే బాగుండు అని అనుకున్నాను. సినిమాకు నా వాయిస్‌ ఇవ్వాలనుకున్నాను. కానీ టెక్నికల్‌ ప్రాబ్లమ్స్‌ వల్ల చెప్పలేదు. గీతా ఆర్ట్స్‌లో చేయడమనేది గర్వంగా ఉంది. ఇందులో 'డియోలో డియాలో..' పాటకు యూనిట్‌ అంతా డాన్స్‌ వేశారు. సినిమా తర్వాతకూడా ప్రేక్షకుడు డాన్స్‌ చేస్తారు' అని అన్నారు. ఇంకా ఈ కార్యక్రమంలో రామానాయుడు, ఎం.ఎల్‌.కుమార్‌ చౌదరి, చంద్రబోస్‌, రామజోగయ్యశాస్త్రి తదితరులు పాల్గొన్నారు.