ఎన్టీఆర్
డ్యాన్సుల గురించి ప్రత్యేకంగా చెప్పక్కర్లేదు. క్లాసికల్ డ్యాన్స్ నేర్చుకొని
మరీ బరిలో దిగాడేమో, ఎలాంటి భంగిమనైనా చిటికెలో చేసేస్తాడు. మెరుపు
కంటే వేగంగా కాలు కదుపుతాడు. ఈసారి ‘జనతా గ్యారేజ్’లోనూ అలాంటి స్టెప్పులతోనే
అదరగొట్టబోతున్నాడట. ఎన్టీఆర్ కథానాయకుడిగా నటిస్తున్న
చిత్రమిది. మైత్రీ మూవీస్ సంస్థ నిర్మిస్తోంది. సమంత, నిత్యమేనన్ కథానాయికలు.
కొరటాల శివ దర్శకత్వం వహిస్తున్నారు. గురువారం నుంచి ఎన్టీఆర్,
సమంతపై ఓ గీతాన్ని తెరకెక్కిస్తారు. రామజోగయ్యశాస్త్రి రాసిన
ఈ గీతానికి శేఖర్ మాస్టర్ నృత్యరీతులు సమకూరుస్తున్నారు. ఈ పాట
కోసం కళా దర్శకుడు ప్రకాష్ ఆధ్వర్యంలో నాలుగు సెట్లు వేశారు. ‘‘డ్యాన్సుల
విషయంలో ఎన్టీఆర్ ఎప్పుడూ ప్రత్యేక శ్రద్ధ తీసుకొంటారు. ప్రతి పాటలోనూ
కొత్తదనం చూపిస్తారు. అయితే ఓ పాట మాత్రం మాస్ అభిమానుల్ని అలరించే విధంగా
ఉంటుంది. ఈ పాట అదే. ఈ సినిమాలో ఈ పాట చాలా ప్రత్యేకం. దానికి తగ్గట్టు ఎన్టీఆర్
డ్యాన్సులు కూడా అదిరిపోతాయ’’ని చిత్రబృందం తెలిపింది. సంగీతం: దేవిశ్రీ
ప్రసాద్
No comments:
Post a Comment