షారుఖ్‌.. సన్నీ లైలా ఓ లైలా
80వ
దశకంలో బాలీవుడ్‌ను ఓ వూపు వూపేసిన క్లబ్‌ పాట ‘లైలా ఓ లైలా...’.
ఫిరోజ్‌ ఖాన్‌, జీనత్‌ అమన్‌, వినోద్‌ ఖన్నా ప్రధాన పాత్రల్లో వచ్చిన ‘ఖుర్బానీ’లో
పాట అది. ఆ హుషారును మరోసారి బాలీవుడ్‌ తెరపై చూపించడానికి రంగం
సిద్ధమవుతోంది. షారుఖ్‌ ఖాన్‌ ప్రధాన పాత్రలో రూపొందుతున్న ‘రాయీస్‌’లో
ఈ పాటను రీమేక్‌ చేయాలని నిర్ణయించారట. ఇందులో షారుఖ్‌ పక్కన సన్నీ లియోని
స్టెప్పులేయబోతోంది. ‘‘రాయీస్‌’లో ఓ ప్రత్యేక గీతం పెట్టాలనే ఆలోచన
వచ్చింది. అందులోనూ అది 80వ దశకం నాటి వాతావరణంలో ఉండాలి. అందుకే ‘లైలా
ఓ లైలా..’ పాటను ఎంచుకున్నాం. ఇప్పటికే దీని హక్కుల కొనుగోలు జరిగిపోయింద’’ని
సినిమా వర్గాలు చెబుతున్నాయి. నాటి కాలాన్ని ప్రతిబింబించేలా ఓ బార్‌ సెట్‌ కూడా
వేశారు. ఇందులో రెండు రోజులపాటు చిత్రీకరణ జరుపుతారు. ఇప్పటికే
షారుఖ్‌, సన్నీ రిహార్సల్స్‌ మొదలెట్టేశారని తెలుస్తోంది.
No comments:
Post a Comment